O‘zbekistondagi davlat oliy ta’lim muassasalariga, Jumladan Buxoro davlat universitetida 2024−2025 o‘quv yili uchun abituriyentlarni ro‘yxatga olish 5-iyundan boshlandi. O‘zbekiston Respublikasi Prezidentining 2024 yil 24 maydagi PF-81-sonli farmoniga tayanangan holda, ta’kidlash lozimki ijobiy o’zgarishlardan bo’lgan davlat oliy va professional ta’lim muassasalariga (kasb-hunar maktabi bundan mustasno) qabul qilish bo‘yicha imtihonlar “avval test, so‘ng tanlov” tamoyiliga muvofiq bir vaqtda o‘tkaziladi.
Bunda abituriyentlar o‘z tanloviga ko‘ra test sinovi natijasida to‘plagan balidan kelib chiqib, dastlab oliy ta’limning bakalavriat ta’lim yo‘nalishlariga, so‘ng professional ta’lim muassasalariga o‘qishga kirish uchun tanlovda ishtirok etadi.
Oliy va professional ta’lim muassasalariga o‘qishga qabul qilish bo‘yicha kirish imtihonlari iyul-avgust oylarida o‘tkaziladi.
Davlat oliy ta’lim muassasalari bakalavriatiga qabul jarayoni quyidagi 2 bosqichda amalga oshiriladi:
1-bosqichda abituriyentlar har yili 5-iyundan 25-iyunga qadar test sinovi topshirish uchun ro‘yxatdan o‘tadi hamda test sinovi topshiriladigan fanlar majmuasi, ta’lim tili va test topshirish hududini hamda kirish imtihonlari tarkibida kasbiy (ijodiy) imtihon bo‘lsa, ushbu imtihonni topshiradigan davlat OTMni tanlaydi.
2-bosqichda abituriyentlar test sinovlari to‘liq yakunlanganidan so‘ng 15 kun davomida oliy ta’lim muassasasi, bakalavriat ta’lim yo‘nalishi va ta’lim shaklini tanlaydi.
Kollej va texnikumlarda o‘qish istagini bildirgan abituriyentlar kollej va (yoki) texnikumni, kasb va mutaxassislikni hamda ta’lim shaklini OTMlariga qabulning yakuniy natijasi e’lon qilinganidan so‘ng 10 kun muddatda tanlaydi.
Oliy ta’lim muassasalari bakalavriatiga, kollej va texnikumlarga qabul bo‘yicha ro‘yxatdan o‘tish statistikasi qaraydigan bo’lsak
7-iyun soat 18:00 holatiga ko‘ra, 35 ming 692 nafar abituriyent onlayn ro‘yxatdan o‘tdi.
Shundan, 23 ming 296 nafari avvalgi yil bitiruvchilari, 12 ming 396 nafari joriy yilgi bitiruvchilardir. Jumladan, test topshirish hududi bo’yicha Buxoro viloyatini tanlagan.
Qabul komissiyasi
